EFNA2AM05 - Efnafræði 1

Lýsing

Áfanginn er fyrsti áfangi í efnafræði á náttúrufræðibraut. (Í dagskólanum er RAUN1LE05 áfanginn undanfari fyrir EFNA2AM05 en sá áfangi er að hálfu kynning á grunnatriðum efnafræðinnar og að hálfu líffræði.
Í EFNA2AM05 í fjarnáminu er farið í þessi grunnatriði líka. Því geta nemendur af náttúrufræðibrautum annarra skóla tekið EFNA2AM05 án þess að hafa farið í RAUN1LE05).

Í EFNA2AM05 læra nemendur um grunnhugtök efnafræðinnar, hugtakið mól og avogadrosar töluna. Farið er í helstu efnahvörf þ.e. oxunar- afoxunarhvörf, sýru-, basahvörf og fellingarhvörf og í tengslum við þau lögð áhersla á oxunartölur, pH gildið og leysnireglur. Þá er farið í mólhlutföll í efnahvörfum ásamt sterkum og veikum efnatengjum. Einnig er VSEPR kerfið um þrívíða mynd sameinda kynnt. Tvær verklegar æfingar eru framkvæmdar í áfanganum en þær má framkvæma í eldhúsinu heima.

Kennslugögn:

Chemistry 2e frá Openstax College – bæði til á íslensku og ensku – bókin er gagnvirk rafbók og er ókeypis.

 (einnig eru kennslumyndbönd á íslensku á moodle)

Námsmat: 

Verkefni á önninni 40% og 60% lokapróf.
Lokaprófið er gagnapróf sem þýðir að hafa má með sér öll skrifleg gögn í prófið.
Lágmarkseinkunn til að standast lokapróf er 4,5