Síðustu tvær fjallgöngur annarinnar

Fjallgönguhópurinn í FÁ fór í tvær síðustu göngur annarinnar núna í byrjun nóvember. Þann fyrsta nóvember fór hópurinn að Helgafelli í Hafnarfirði og gengu þar hring í kringum Valahnjúka. Þann áttunda nóvember lá svo leiðin að Þingvöllum þar sem gengið var milli Gjábakka og Almannagjár, alls 9 km ganga.

Þátttakan í göngunum í haust hefur verið mjög góð og um 40 nemendur sem hafa tekið þátt í hverri göngu. Nemendur þurfa að fara í 2 fjallgöngur af fjórum til að fá íþróttaeiningu.