Í dag lýkur Alþjóðaviku FÁ og af því tilefni er blásið til heljarinnar veislu. Það verður söngur, gleði, dans og tónlist að ógleymdum mat frá ýmsum heimshornum sem nokkrir veitingastaðir ætla að elda handa okkur - ókeypis. 
Engin veisla án góðra gesta. Eliza forsetafrú ætlar að heiðra samkomuna og einnig okkar fyrrverandi nemandi Sanna borgarfulltrúi og Tanja frá deCODE, allt konur sem hafa náð langt á sínu sviði. Ekki má gleyma því að fjölmiðlar verða á staðnum og því um að gera að koma vel greiddur og sætur í skólann. 
Veislan byrjar á slaginu tólf og vonandi sjá allir sér fært að taka þátt í gleðinni. FÁ er skóli fjölbreytileikans!

FÁ er kominn í alþjóðlegan búning fyrir Alþjóðavikuna sem hefst í dag en tilgangur vikunnar er að beina ljósinu á stöðu erlendra nema og hversu fallega fjölbreyttur skólinn er. Alþjóðlega nemendaráðið hvetur starfsfólk til að taka þátt í dagskránni sem er bæði fróðleg og skemmtileg. Í dag, mánudag - kl. 12:30 í fyrirlestrasal, ætlar Hildur Björgvinsdóttir, framkvæmdastýra SÍF að kynna stöðu erlendra nema á Íslandi.....sjá nánar hér.

Á morgun föstudag 5. apríl og laugardaginn 6. apríl, munu um 550 ungir frumkvöðlar frá 13 framhaldsskólum kynna og selja vörur sínar á Vörumessu Ungra frumkvöðla í Smáralindinni. Alls eru þarna á ferðinni 120 nýstofnuð fyrirtæki og þar af eru fjögur þeirra stofnuð í skólanum okkar. Það verður gaman að mæta í Smáralindina um helgina og sjá hverju nemendur okkar hafa fundið upp á í þessum málum. Frumkvæði, frumleiki, sköpun, ....

Söngleikurinn Ólympus var frumsýndur í gær fyrir fullu húsi og var vel fagnað enda á ferðinni bráðskemmtilegur leikur og allir leikarar og hljóðfæraleikarar stóðu sig með mikilli prýði. Sem betur fer verður Ólympus sýndur aftur i kvöld klukkan 20 og ef einhverjir komast ekki þá, er tækifæri til þess að sjá þennan bráðskemmtilega söngleik á sunnudaginn en þá verða tvær sýningar, sú fyrri klukkan 14 en seinni klukkan 20.

Miðaverð er 1.500 krónur en 1000 krónur fyrir starfsmenn og nemendur í NFFÁ. facebook - myndir

Laugardaginn 30. mars er ætlunin að nokkrir fræknir nemendur gangi á Móskarðshnjúka. Lagt verður af stað frá FÁ stundvíslega kl 9:00 og stefnt á að vera komin í bæinn um kl 14:00.
Þetta er um 8 km löng ganga en þar sem veðurspáin er góð, gæti gangan hæglega orðið lengri.

Skráið ykkur í tíma, seinast var uppselt í rútuna.

Fjallganga eftir Tómas Guðmundsson:

I
Urð og grjót.
Upp í mót.
Ekkert nema urð og grjót.
Klífa skriður...

Nú styttist í að gamansöngleikurinn Ólympus - Leikur að fólki, verði frumsýndur en frumsýningin verður núna á föstudaginn 29. mars í sal Fjölbrautaskólans við Ármúla. Verkið gerist í Grikklandi árið 390 f.kr. Þegar Seifur, æðsti guðinn á Ólympus, ákveður að skella sér í frí með eiginkonu sinni Heru, efnir hann til keppni milli guðanna til að ákveða hver skal taka við völdum í fráveru hans. Systkinin Artemis, Aþena, Díónýsus og Afródíta þurfa að fara niður á jörðu og keppast um hylli ungs pilts til að hreppa hásætið á Ólympus. Þau beita ýmsum klækjum til að snúa örlögunum sér í vil en það er síður en svo auðvelt að sigra þegar þau mega ekki gera það sem þau gera best - svindla og skemma hvert fyrir öðru...sjá meir.

FÁ hefur alltaf verið opinn öllum sem þangað vilja sækja en fimmtudaginn 21. mars verður OPIÐ HÚS fyrir alla, konur og kalla, frá 16:30 til 18:00 þar sem allar deildir skólans kynna starfsemi sína. Það er meira í boði en margan grunar, á OPNU HÚSI má kynna sér aðstöðuna í glæsilegu skólahúsinu, læra um kosti fjarnámsins og fá nasasjón af fjörlegu félagslífi nemenda. Vonandi sjá sem flestir sér fært að mæta og kynnast hinu góða starfi sem unnið er í FÁr

FÁ hefur lengi verið í fararbroddi í umhverfismálum og fengið grænfánann í ófá skipti. Nú verða haldnir umhverfisdagar í skólanum þótt auðvitað séu allir dagar umhverfisdagar. Umhverfisdagarnir byrja kl. 10 þann 20. mars þegar umhverfismarkaður verður opnaður en að öðru leyti lítur dagskrá dagana svona út: (smella hér).

Á hádegi í dag var opnað fyrir kennslumat vorannar og það verður opið til 28. mars.
Að þessu sinni eru metnir 72 áfangar og má sjá hér hvaða áfangar fara í mat að þessu sinni.

Það er helst að frétta að kennslumatið hefur verið stytt allverulega, þannig að spurningum var fækkað úr 27 í 13. Þetta er gert í þeim tilgangi að auka svörun og vonandi verður sú raunin.
Það er auðvelt að nota snjallsíma við matið og við prófun voru nemendur ekki nema 4 – 6 mínútur að meta.

Spurningalistinn er að sjálfsögðu á íslensku en svo er hægt er að opna enska þýðingu.

Nordjobb – Vilt þú vinna erlendis í sumar?
Nordjobb hjálpar þér að finna sumarstarf og húsnæði í öðru norrænu landi. Alls konar störf eru í boði svo sem í garðyrkju, þjónustu, fiskvinnslu, á hótelum og á veitingastöðum.
Allir eru hvattir til að sækja um, einu skilyrðin fyrir þátttöku eru að vera á aldrinum 18-30 ára og að hafa viðunandi vald á dönsku, sænsku eða norsku.
Þetta er tilvalið tækifæri til að eyða sumrinu erlendis, öðlast starfsreynslu og auka færni sína í erlendu tungumáli.

Áhugasamir geta fyllt út umsókn til að gerast Nordjobbarar á eftirfarandi slóð:
https://semla.nordjobb.org/Registration.aspx?&lc=sv&cc=is

Hægt er að sjá laus störf hér:
https://www.nordjobb.org/is/saekja-um-vinnu.
ATH! Það kostar ekkert að taka þátt í Nordjobb verkefninu!

Nánari upplýsingar veitir Hannes, verkefnisstjóri Nordjobb á Íslandi, á island@nordjobb.org eða í síma 680-7477.