Senn líður að ann­ar­lokum og viljum við því minna ykkur á nokkur mik­ilvæg atriði.

Síðasti kennslu­dagur er 10. des­ember en nánari upp­lýs­ingar um skipulag hvers áfanga má finna á Innu.

15. desember – Einkunnir birtast í Innu

15. desember– Upptökupróf fyrir útskriftarefni kl. 9:00.

15.desember - Viðtöl vegna námsmats kl. 12:00 – 13:00.

15.desember - Dimission

16.desember - Æfing fyrir útskrift kl. 16:00

17. desember – Útskrift í hátíðarsal skólans kl. 13:00.

Nám á næstu önn - Allir nem­endur sem halda áfram námi á næstu önn eiga að vera búnir að velja. Greiðsluseðlar verða sendir út eftir útskrift.

Gangi ykkur sem allra best á loka­sprett­inum.

Í dag var jólapeysudagur í FÁ þar sem nemendur og starfsfólk klæddust litríkum og skemmtilegum jólapeysum. Fjölbreytnin var mikil og var þetta mjög skemmtilegt uppbrot á venjulegum degi. Í hádeginu gengu svo jólaálfar og jólasveinn um skólann og gáfu nemendum og starfsfólki nammi við góðar undirtektir.

Hægt er að sjá fleiri myndir á Facebook síðu skólans.

Miðvikudaginn 24.nóvember er námsmatsdagur í Fjölbrautaskólanum við Ármúla. Engin formleg starfsemi verður í skólanum þennan dag og skrifstofa skólans verður jafnframt lokuð.

Við erum stolt að segja frá því að FÁ er orðinn UNESCO skóli. Að vera UNESCO–skóli felur í sér langvarandi samkomulag og samvinnu milli skólans og UNESCO þar sem skólinn innleiðir verkefni tengdum einhverju af fjórum þemum UNESCO–skóla: alþjóðasamvinna, starfsemi Sameinuðu þjóðanna, heimsmarkmiðin um sjálfbæra þróun og/eða friður og mannréttindi. FÁ ákvað að leggja áherslu á tvö síðastnefndu þemun; heimsmarkmiðin um sjálfbæra þróun og/eða friður og mannréttindi. Heimsmarkmið Sameinuðu þjóðanna munu því skipa mikilvægan sess í skólastarfi FÁ næstu misserin.

UNESCO hefur starfrækt samstarfsnet skóla á alþjóðavísu frá árinu 1953. Þeir eru nú yfir 10.000 talsins og starfa í 181 landi.

Vigfús Þór Jónsson, umsjónarmaður fasteigna til rúmlega tuttugu ára lætur formlega af störfum í dag, 21. október. 

Vigfús Þór starfaði við skólann sem kennari í trésmíði á árunum 1993 til 1995 og hóf svo störf sem umsjónarmaður fasteigna árið 1999.

Óhætt er að segja að Vigfús Þór hafi verið einn ástsælasti starfsmaður skólans bæði á meðal nemenda og starfsmanna enda þjónustulundaður með afbrigðum. Vigfús Þór er þó reiðubúinn að rétta okkur hjálparhönd í náinni framtíð og án efa eigum við eftir að leita til hans.

Birgir Sigurðsson hefur tekið við sem umsjónarmaður fasteigna og bjóðum við hann velkominn.

Föstudaginn 22.október er námsmatsdagur og á mánudaginn 25.október er haustfrí í Fjölbrautaskólanum við Ármúla. Engin kennsla verður þessa daga og skrifstofa skólans verður jafnframt lokuð. 

Nemendur í fjölmiðlafræði í FÁ gerðu þetta skemmtilega skólablað í tilefni af 40 ára afmæli skólans. Áhugaverð viðtöl við starfsfólk, umfjöllun um skemmtileg verkefni í skólanum, skólalífið og fleira :) Við mælum með að þú kíkir á þetta metnaðarfulla blað !

Steypan - FÁ blaðið

Miðvikudaginn 6. október 2021 var Forvarnardagurinn haldinn í grunn- og framhaldsskólum landsins. Forvarnardagurinn er haldinn á hverju hausti og þá er sjónum sérstaklega beint að ungmennum í 9. bekk og á fyrsta ári í framhaldsskóla. Við í Fjölbrautaskólanum við Ármúla ákváðum að taka heila viku undir forvarnir og héldum forvarnarviku 4.-8.október. Við fengum 3 fyrirlesara til að koma og halda smá fræðslu fyrir okkur.

Andrea frá Heilsulausnum fræddi okkur um skaðsemi rafrettureykinga, munntóbaks og orkudrykkja.

Lori frá Pietasamtökunum sagði frá starfssemi félagsins, geðheilsu og úrræðum. Virkilega áhugavert erindi sem var streymt í allar stofur og má sjá fyrirlesturinn hér.

Anna Steinsen frá KVAN var með stórskemmtilegt erindi í matsalnum um kvíða og þrautseigju.

Einnig stóð nemendaráðið fyrir skemmtilegum Kahoot spurningaleik með forvarnarívafi og voru vegleg verðlaun í boði. Við enduðum síðan þessa skemmtilegu viku á pylsupartýi þar sem nemendafélagið og skólinn buðu öllum nemendum upp á pylsur og gos. Yfir pylsunum söng síðan hún Katrín Edda lagið sem hún keppti með á Söngkeppni framhaldsskólanna. Forvarnarvikan tókst mjög vel og almenn ánægja var með viðburði og fyrirlestra.