Janúar fréttabréfið er komið út, stútfullt af fréttum og myndum frá síðustu vikum. Í hverjum mánuði sendum við út rafrænt fréttabréf. Markmiðið með því er að auka upplýsingaflæði til nemenda og aðstandenda og jafnframt að segja frá starfinu hér í skólanum. Við hvetjum ykkur til að fylgjast með skólanum á netinu til að missa ekki af neinu skemmtilegu. Við erum dugleg að setja fréttir og myndir inn á samfélagsmiðlana sem sýna frá öllu því sem við erum að gera.

Lið FÁ í Gettu betur keppti í fyrstu umferð í keppninnar í gær þegar það keppti við lið Menntaskólans á Tröllaskaga. FÁ fór með sigur á hólmi, 16-7. Lið FÁ er því komið í aðra umferð keppninnar sem fer fram síðar í þessum mánuði. Í Gettu betur liði FÁ þetta árið er þau Eiríkur Stefánsson, Iðunn Úlfsdóttir og Hilmar Birgir Lárusson og varamaður er Patrik Örn. Hjartanlega til hamingju :)

Gleðilegt ár kæru nemendur og forráðamenn. Hér koma helstu dagsetningar framundan sem gott er að hafa í huga: Opnað hefur verið fyrir stundatöflur í Innu fyrir þá sem greitt hafa skólagjöldin. Nota þarf rafræn skilríki til að skrá sig inn í Innu. Skráðir aðstandendur nemenda yngri en 18 ára hafa aðgang með rafrænum skilríkjum. Kennsla hefst samkvæmt stundatöflum 6. janúar. Töflubreytingar fara fram 2. - 5. janúar og fara þær fram á Innu. Leiðbeiningar verða sendar í tölvupósti. Síðasti dagur til að skrá sig úr áfanga er 22. janúar. Allar upplýsingar um bókalista og námið má finna á heimasíðu skólans, www.fa.is. Bókalista hvers áfanga má svo sjá í Innu. Skráning í Fjarnám FÁ á vorönn er hafin og hefst önnin 27. janúar. Allar nánari upplýsingar á sjá á heimasíðu Fjarnáms FÁ. Við viljum minna á að í upphafi skólaárs er gott að glöggva sig á öllum helstu dagsetningum á skólaárinu og skrá hjá sér. Hér er hlekkur á skóladagatalið. Hér er einnig helstu upplýsingar um annarbyrjun sem gott er að kíkja á. Einnig hvetjum við alla til að fylgjast með fréttum úr skólastarfinu á Facebook og Instagram. Endilega hafið samband við skrifstofu skólans ef einhverjar spurningar vakna - fa@fa.is.