Við búum í heimi þar sem loftslagsbreytingar, mengun og sóun náttúruauðlinda eru ein stærsta áskorun samtímans. Með því að fræðast og sýna ábyrgð, jafnvel með litlum skrefum, getum við haft raunveruleg áhrif. Að slökkva ljós, velja vistvæna ferðamáta, eða huga að bættri endurvinnslu eru einföld dæmi um aðgerðir sem skipta máli þegar margir taka þátt. En af hverju skiptir þetta raunverulega máli? Umhverfisdagurinn er tækifæri til að staldra við og hugsa um hvernig daglegar venjur okkar hafa áhrif – hvort sem það er í skólanum, heima eða í samfélaginu. Hvernig við neytum, flokkum, ferðast og notum orku hefur bein áhrif á náttúruna og loftslagið. Erik Steinn Halldórsson Hasanain Saad Abdulhussein Alzuhairi Iustin Andrei Calin

Við erum nemendur að læra umhverfisfræði og við ætlum að segja ykkur frá henni. Umhverfismál ættu að skipta okkur mjög miklu máli. Það er mjög mikilvægt að vera meðvitaður um umhverfið og nátturuna. Umhverfisfræði er mjög fjölbreytt fræðigrein sem snertir mörg svið nátturunar og kennir manni að skilja umhverfið betur. Umhverfisfræði er þverfagleg grein sameinar efnafræði, jarðfræði, líffræði, heimspeki og fleiri greinar. Umhverfisfræðingar leitast við að bera kennsl á að minnka eða stoppa upptök mengunar eða öðrum hættum í umhverfinu. Þeir vinna með vísindalegar upplýsingar, oft úr mismunandi fræðigreinum, og byggja á þeim tillögur að aðgerðum. Einn helsti brautryðjandi umhverfisræðinnar er Rachael Carson, hún var bandarískur dýrafræðingur og sjávarlífræðingur. Eitt frægasta rit hennar er: Raddir vorsins þagna sem var gefið út árið 1962, bókin fjallaði um notkun skordýraeiturs, einkum DDT og áhrif sem þau hafa á náttúruna. Bókin hafði mikil áhrif í Bandaríkjunum og er talin hafa markað upphafið á umhverfishreyfingunni. Halldór Egill og Elíeser Bergmann.

Grímugerð í FÁ 👹🤡👿👺👽 Nemendur í áfanganum þrívíð formfræði í FÁ hafa nýlokið við spennandi verkefni þar sem þau hönnuðu og smíðuðu einstakar og litríkar grímur👹 Nemendur nýttu meðal annars pappa, teip, málningu og ýmis endurunnin efni til að skapa grímur sem endurspegla bæði persónulegan stíl og skapandi hugsun. Verkefnið sýnir vel hvernig list- og hönnunarnám í FÁ hvetur til sjálfstæðrar sköpunar og tilrauna í efnisvinnslu 🙂

Tæplega 40 nemendur í fjallgönguáfanganum í FÁ lögðu land undir fót síðasta laugardag þegar þeir fóru í fjallgöngu upp í Bláfjöll með kennarurunum Þórhalli og Hrönn. Nutu þau veðurblíðunnar og glæsilegs útsýnis af tindunum.

Sérnámsbraut skólans hélt opið hús í síðustu viku, en kvöldið var fjáröflun fyrir útskriftarhóp brautarinnar. Nemendurnir sáu að mestu um skipulagninguna og boðsgestir voru nemendur sem útskrifuðust síðasta vor auk útskriftarhópsins næsta vor. Aðgangseyrir var 1500 krónur og innifalið í því voru nokkrar sneiðar af pítsu, gos og happdrættismiði. Þá var karókí í gangi, skutlukeppni og nemendurnir seldu penna merkta deildinni. Virkilega skemmtileg kvöldstund.

Nemendur í Afbrotafræði hjá Söru fóru í heimsókn í Fangelsismálastofnun þann 22. október. Þar fengu þau fræðandi kynningu á starfsemi stofnunarinnar, hlutverki fangelsa og þeim áskorunum og tækifærum sem felast í endurhæfingu og samfélagsþjónustu. Kynningin var bæði upplýsandi og áhugaverð, og nemendur voru afar ánægðir með heimsóknina. Við þökkum starfsfólki Fangelsismálastofnunar kærlega fyrir hlýjar móttökur.

Fjölbrautaskólinn í Ármúla hefur látið framleiða ný kynningarmyndbönd fyrir tvær af heilbrigðisbrautum skólans; sjúkraliðabraut og heilsunuddbraut. Markmið myndbandanna er að kynna nám og starfsmöguleika á þessum sviðum og vekja áhuga nemenda á störfum í heilbrigðisþjónustu og heilsueflingu. Myndböndin voru unnin af Sahara auglýsingastofu í samstarfi við starfsfólk og nemendur skólans. Þau verða notuð í kynningarefni FÁ, bæði á samfélagsmiðlum og á vef skólans. Hér má sjá myndböndin ásamt öðrum kynningarmyndböndum fyrir heilbrigðisbrautir skólans.

Októberfréttabréfið er komið út, stútfullt af fréttum og myndum frá fyrstu vikum haustannar. Í hverjum mánuði sendum við út rafrænt fréttabréf. Markmiðið með því er að auka upplýsingaflæði til nemenda og aðstandenda og jafnframt að segja frá starfinu hér í skólanum. Við hvetjum ykkur til að fylgjast með skólanum á netinu til að missa ekki af neinu skemmtilegu. Við erum dugleg að setja fréttir og myndir inn á samfélagsmiðlana sem sýna frá öllu því sem við erum að gera.

Tvær ráðstefnur hafa verið haldnar árið 2025 um kennslu íslensku sem annars máls. Þar komu saman kennarar og skólastjórnendur ásamt formönnum Kennarasambands Íslands. Fyrri ráðstefnan var haldin á Ísafirði dagana 2. – 3. maí og fjallaði um kennslu íslensku sem annars máls, inngildingu og fjölmenningu í framhaldsskólum. Sú síðari var haldin á Akureyri dagana 19. – 20. september undir yfirskriftinni Samfélagið er lykill að íslensku. Að loknum báðum ráðstefnum voru sendar út ályktanir frá ráðstefnugestum til ýmissa stofnana í samfélaginu þar sem þess var m.a. krafist að stjórnvöld setji kennslu íslensku sem annars máls í forgang, að námsefnisgerð verði efld og henni hraðað og að hlustað sé á fagfólkið, kennarana sem kenna námsgreinina. Kallað var eftir því að ráðamenn og samfélagið í heild gefi íslensku séns. Fimm kennarar úr Fjölbrautaskólanum við Ármúla sóttu þessar ráðstefnur, þær Hanna Óladóttir, Ingunn Garðarsdóttir, Kristjana Þórdís Jónsdóttir, Sigrún Eiríksdóttir og Sigrún Gunnarsdóttir.

Í gær fór fram útgáfuhóf þar sem Félag Sameinuðu þjóðanna á Íslandi, í samstarfi við Miðstöð menntunar og skólaþjónustu, og með stuðningi Utanríkisráðuneytisins og Mennta- og barnamálaráðuneytisins, kynnti nýjan kennsluvef – www.verdurheimurinnbetri.is.