Áfangi

SÝK 103

Markmið

Eftir að hafa stundað nám í áfanganum á nemandinn að hafa allgott yfirlit yfir helstu flokka sýkla er sýkja menn. Hann á að þekkja helstu umhverfisþætti er hafa áhrif á útbreiðslu sýkla, hvernig má verjast þeim, t.d. með sóttvörnum og bólusetningum.
Fjallað er um náttúrulegar varnir manna gegn sýklum, þ. m.t. ónæmiskerfið.
Sýklalyf fá nokkra umfjöllun. Teknar verða fyrir nokkrir þekktir smitsjúkdómar og fjallað sérstaklega um þá.

Námsfyrirkomulag

Efnið er kennt með fjarnámssniði. Nemandi fær aðgang að vefsíðu í sýklafræði. Kennari hefur reglulega samband við nemanda með tölvupósti, leggur fyrir hann verkefni og gagnvirk próf, sem nemandi leysir og sendir til baka. Fjarnámsnemandi verður að taka þátt í þessari verkefnavinnu til þess að öðlast prófrétt.

Kennslugögn

Glærur og önnur gögn frá kennara.
Til stuðnings eru valdir kaflar úr bókinni Microbiology frá OpenStax sem hægt er að nálgast ókeypis hér: https://openstax.org/details/books/microbiology

Námsmat

Í lok tímabils er lagt fyrir lokapróf sem gildir 100% af einkunn.