Fyrirkomulag prófa og prófstaðir

Lokapróf vorannar verða haldin 29. apríl - 15. maí. Eingöngu er boðið upp á lokapróf og sjúkrapróf í áfanga skv. próftöflu. Ekki er veitt undanþága frá settum prófdögum.

^{Lokapróf fjarnámsins eru haldin í Fjölbrautaskólanum við Ármúla, Ármúla 12. Nemendur á vorönn sem geta ekki tekið lokapróf í FÁ athugið: Nemandi þarf sjálfur að verða sér út um próftökustað/ábyrgðarmann utan FÁ og tilkynna til skrifstofu; fjarnam@fa.is fyrir 10.apríl. Við hvetjum nemendur að tryggja próftökuna strax í upphafi annar (sjá nánari upplýsingar hér fyrir neðan).}

_{Í lokaprófi þarf að framvísa gildu skilríki. t.d. ökuskírteini, vegabréfi eða nafnskírteini}

Árekstar á milli prófa: Ef tvö próf lenda á sama tíma er heimilt að flytja annað þeirra án endurgjalds á árekstra-/sjúkraprófsdag.
Sjúkrapróf: Veikindi/forföll ber að tilkynna fyrir prófdag eða í síðasta lagi á prófdegi með því að senda tölvupóst á forfoll.fjarnam@fa.is. Það þarf ekki að framvísa læknisvottorði en nemendur þurfa að greiða kr. 2.000 fyrir sjúkrapróf inn á reikning nr. 514-26-351 (kt.590182-0959).
Þeir sem taka próf erlendis eða úti á landi verða að tilkynna veikindi/forföll bæði á skrifstofu fjarnáms (forfoll.fjarnam@fa.is) en einnig á prófstað (það er mjög mikilvægt að tilkynna forföll á prófstað því ef það gleymist getur nemandi þurft að greiða tvöfalt yfirsetu/þjónustugjald).

Aðstoð vegna lesblindu/sérúrræði við próftöku:

Nemandi með greiningu um lesblindu eða nemandi sem þarf af öðrum ástæðum að hlusta á próf, taka próf á tölvu, fá prófin með stækkuðu letri og/eða lituðum prófblöðum getur sótt um það til skrifstofu fjarnáms fyrir 10.apríl, sjá hér.
Nauðsynlegt er að greining eða annað vottorð fylgi umsókn.
Ertu með prófkvíða? Hér eru "Góð ráð við prófkvíða"

Staðsetning prófa:

Lokapróf fjarnámsins eru í húsnæði Fjölbrautaskólans við Ármúla, Ármúla 12. Nemendur sem búa eða dvelja utan höfuðborgarsvæðisins eða erlendis og taka prófin utan FÁ þurfa að tilkynna það á skrifstofu fjarnáms fyrir 10.apríl (sjá upplýsingar um viðurkennda prófstaði hér neðar á síðunni).
Nemendur þurfa almennt að greiða þjónustugjald/yfirsetugjald fyrir próftöku ef próf eru tekin utan FÁ. Upphæð gjaldsins er mismunandi eftir prófstöðum.

Þeir sem taka lokapróf utan FÁ hafa tvo valkosti:

Að taka lokapróf í öðrum framhaldsskólum/símenntunar-, fræðslustöðvum víðs vegar um landið.
Að taka lokapróf í sendiráði, ræðismannaskrifstofu eða viðurkenndum menntastofnunum nálægt dvalarstað nemenda erlendis.

1. Framhaldsskólar/símenntunar-, fræðslustöðvar sem þjónusta fjarnámsnemendur FÁ:

Fjölbrautaskóli Norðurlands vestra, Sauðárkrók, FNV
Fjölbrautaskóli Snæfellinga, Grundarfirði, FSN
Fjölbrautaskóli Suðurnesja, Keflavík, FSS
Fjölbrautaskóli Vesturlands Akranesi, FVA
Framhaldsskólinn í Austur- Skaftafellssýslu, FAS
Framhaldsskólinn í Vestmannaeyjum, FIV
Menntaskóli Borgafjarðar, Borgarnesi, MB
Menntaskólinn á Egilsstöðum, ME
Menntaskólinn á Ísafirði, MÍ
Menntaskólinn á Laugarvatni, ML
Menntaskólinn á Tröllaskaga, MTR
Miðstöð símenntunar á Suðurnesjum, MSS
Verkmenntaskóli Austurlands, Neskaupstað, VA
Verkmenntaskólinn á Akureyri, VMA
Háskólafélag Suðurlands, Selfossi, HFSU
Austurbrú á Djúpavogi, Borgarfirði eystri, Reyðarfirði, Seyðisfirði og Vopnafirði
Þekkingarnet Þingeyinga á Húsavík, Laugum í Reykjadal, Raufarhöfn, Þórshöfn og víðar.
Námsstofur á Blöndósi, Hvammstanga og Skagaströnd
Símey á Akureyri og Dalvík
Viska í Vestmannaeyjum.

2. Sendiráð, menntastofnanir eða aðrar viðurkenndar stofnanir erlendis:
Sendiráð Íslands/ræðismannaskrifstofur eða viðurkenndar menntastofnanir hafa tekið á móti nemendum vegna lokaprófa.

Ef nemandi ætlar að taka próf erlendis þarf hann sjálfur að útvega próftökustað og ábyrgðarmann og tilkynna ráðstöfunina til okkar fyrir 10.apríl.
Nemandi skal tilkynna prófstað og ábyrgðarmann í lokaprófi með því að senda tölvupóst á skrifstofu fjarnáms ( fjarnam@fa.is ). Í póstinum skal tilgreina nafn ábyrgðarmanns, netfang og stöðu viðkomandi í stofnunninni sem prófið er tekið í.

Samantekt:

Til að tryggja að framkvæmd prófa verði eins hnökralaus og hægt er, er mikilvægt að huga að eftirfarandi:

Próftaflan er alltaf birt með mjög góðum fyrirvara. Skráðu hjá þér prófdagana. Tilkynntu árekstra í þinni próftöflu fyrir 10.apríl ef þú vilt færa próf yfir á árekstra-/sjúkraprófsdag.
Tilkynntu fyrir 10. apríl ef þú ætlar að taka lokapróf annars staðar en í húsnæði Fjölbrautaskólans við Ármúla.
Sendu inn beiðni fyrir 10. apríl ef þú þarft að fá að hlusta á próf, ef þú þarft að skrifa prófsvör á tölvu, ef þú þarft stærra letur á prófi eða litaða próförk. Greining þarf að liggja fyrir.

(Síðast uppfært 06.03.2024)