Heilsueflandi framhaldsskóli

Skólinn hefur gerst þátttakandi í verkefninu Heilsueflandi framhaldsskóli sem er samstarfsverkefni  Lýðheilsustofnunar, mennta-og menningarmálaráðuneytis, velferðarráðuneytis, Sambands íslenskra framhaldsskólanema (SÍF), Hagsmunaráðs íslenskra framhaldsskólanema (HÍF) og 23 framhaldsskóla í landinu.  Hugmyndafræði verkefnisins felur í sér heildræna nálgun í forvarna-og heilsueflingarmálum, þar sem markmiðið er að hafa áhrif á viðhorf og tilfinningu nemenda fyrir heilbrigðu lífi og þátttöku þeirra í samfélaginu í nánum tengslum við nærumhverfi  á hverjum stað. Meginþemu verkefnisins eru:  næring, hreyfing,  geðrækt og lífsstíll. 

Skólinn mun marka sér 4 ára stefnu og semja aðgerðaráætlun  þar sem hvert þema verður í brennidepli í eitt ár en að lokum ættu þessi 4 þemu að efla heilbrigðan lífsstíl nemenda. Nýtt mötuneyti við skólann hefur þegar haft  jákvæð áhrif  á mataræði og næringu nemenda og starfsfólks, því nú er boðið upp á heitan hádegisverð fimm daga vikunnar.

(Síðast uppfært 11.5.2011)