Náms- og starfsval

Til að taka góða ákvörðun um hvaða starf eða starfssvið þú vilt stefna á, er gott að kanna ýmis atriði fyrst. Á Íslandi og á heimsvísu eru til um 2500 til 3000 starfsheiti og því ekki hlaupið að því að velja. Jafnstór ákvörðun og val á starfi og námi þarf að vera vel ígrunduð. Til að svo megi verða er gott að skoða eftirfarandi upplýsingar:

•  Upplýsingar um störf og atvinnulífið
•  Upplýsingar um þig
•  Upplýsingar um nám og skóla
  
  

Náms- og starfsleit er eins og ferðalag. Þegar þú ferð í frí finnurðu fyrst út hvert þú vilt fara og síðan kannarðu hvernig þú kemst þangað. Það sama á við um starfsval; Fyrst finnurðu starfið eða starfssviðið sem þú vilt starfa við, síðan finnurðu hvaða nám hentar til að undirbúa þig fyrir það. Að lokum finnurðu hvar námið er kennt.

Munum að það má skipta um skoðun! 

(Síðast uppfært 10.12.2022)