Áfangi
FJÁ 193
- Áfangaheiti: FJÁR1FL05
Markmið
Meginmarkmið er að nemandi
• hafi skilning, öryggi og yfirvegun til að takast á við algeng fjármálatengd viðfangsefni sem námsmenn og ungir launþegar þurfa að fást við í samfélaginu.
Þekkingarviðmið er að nemandi hafi almenna þekkingu og skilning á
• útgjöldum sínum til að átta sig á almennri eyðslu
• gildum sínum og mikilvægi markmiðasetningar í fjármálum
• hugtökum eins og verðbólgu, vextir, gengi, lán, debet og kredit
• hvernig launaseðlar og launaútreikningar eru uppbyggðir
• atvinnuviðtölum
Leikniviðmið er að nemandi skal hafa öðlast leikni til þess að
• finna út hvað kostar að fjárfesta í bifreið
• reikna út vexti • finna út sparnaðarleiðir
• fylla út atvinnuumsókn og útbúa ferilsskrá
• finna leiðir til að öðlast yfirsýn á útgjöldum og tekjum
Hæfniviðmið er að nemandi skal vera fær um að nýta þekkingu sína og leikni til þess að
• skipuleggja fjármál sín á hagkvæman hátt
• finna hvaða gildi eru mikilvæg og hvernig best er að lifa eftir þeim
• geta flokkað kostnað í breytilegan og fastan
• fundið út hver réttastaðan á vinnumarkaði er
• undirbúa atvinnuviðtal
Námsfyrirkomulag
Í áfanganum er farið yfir hugtök og efnisþætti sem tengjast viðfangsefnum sem flest 16-18 ára ungmenni þurfa að fást við í fjármálum sínum. Nemendur læra að vinna með fjármálaleg markmið bæði til langs og skamms tíma. Bent er á leiðir þannig að þau með skilningi, öryggi og yfirvegun geti tekist á við algeng fjármálatengd viðfangsefni sem námsmenn og ungir launþegar þurfa að glíma við í dag og þjóna markmiðum þeirra.
Sjálfræði og fjárræði við 18 ára aldur gerir kröfu til aukinnar ábyrgðar ungs fólks á eigin fjármálum. Lögráða einstaklingar þurfa að læra að verða virkir þátttakendur í þjóðfélagi með gagnvirkri samfélagslegri ábyrgð.
Kennslugögn
Upplýsingar hjá kennara
Námsmat
Próflaus áfangi. Símat sem byggist á samvinnu, almennum umræðum og fjölbreytilegri verkefnavinnu, bæði einstaklingsverkefnum og hópverkefnum.