Brautskráning vor 2024
Það var vindasamur og blautur en mjög gleðilegur dagur í Fjölbrautaskólanum við Ármúla í dag þegar nemendur mættu til útskriftar. Alls útskrifuðust 103 nemendur frá skólanum og þar af 9 af tveimur brautum; 65 stúdentar, 35 frá heilbrigðissviði, 10 af sérnámsbraut og 3 frá nýsköpunar- og listabraut.
Af stúdentsbrautum útskrifuðust 10 af félagsfræðibraut, 3 af íþrótta- og heilbrigðisbraut 12 af náttúrufræðibraut, 26 af opinni braut, 3 af viðskipta- og hagfræðibraut og 11 með viðbótarnám að loknu starfsnámi.
Af heilbrigðissviði útskrifuðust 17 sem sjúkraliðar, 5 af heilbrigðisritarabraut, einn af lyfjatæknabraut, 6 af heilsunuddbraut og 6 af tanntæknabraut.
10 frábærir nemendur útskrifuðust af sérnámsbraut eftir 4 ára nám.
Magnús Ingvason skólameistari og Kristrún Birgisdóttir aðstoðarskólameistari fluttu ávörp og fóru yfir liðna önn.
Alda Ricart Andradóttir flutti kveðjuávarp fyrir hönd stúdenta og Ellen Kristjánsdóttir flutti kveðjuávarp fyrir hönd útskriftarnema Heilbrigðisskólans.
Fjölmargir nemendur fengu viðurkenningar fygir góðan námsárangur. Dúx skólans var Arna Rut Arnarsdóttir með meðaleinkunina 9.56. Arna fékk viðurkenningu fyrir árangur í íslensku, stærðfræði og þýsku. Arna Rut hlaut einnig raungreinaverðlaun frá Háskólanum í Reykjavík fyrir framúrskarandi námsárangur í raungreinum og menntaverðlaun Háskóla Íslands fyrir framúrskarandi árangur á stúdentsprófi og eftirtektaverða þrautseigju.
Tónlistarflutningur við athöfnina var í höndum nemenda í tónlistaráfanga skólans. Lauk síðan athöfninni með hátíðlegum samsöng allra viðstaddra á laginu Vikivaki eftir Jóhannes úr Kötlum.
Við óskum útskriftarnemum til hamingju með áfangann og óskum þeim bjartrar framtíðar.
Fleiri myndir má sjá á Facebook síðu skólans.´
Hér eru einnig myndaalbúm með myndum frá útskriftinni:
Hér fyrir neðan má sjá lista yfir þá nemendur sem fengu viðurkenningar við útskriftina:
Hólmfríður Hilmarsdóttir - Sjúkraliðabraut
Kara Guðný Knutsen - Lokaverkefni lyfjatæknibraut
Ellen Kristjánsdóttir - Tanntæknibraut
Íris Helga Aradóttir - Tanntæknibraut
Kolbeinn Hrafn Hjartarson - Myndlist og kvikmyndagerð
Viggo Snorri Óskarsson - Kvikmyndagerð og nýsköpun
Perla Heimisdóttir - Listgreinar
Finnur Torfason - Efnafræði
Arna Rut Arnarsdóttir - Stærðfræði, íslenska og þýska.
Kormákur Snorrason - Stærðfræði
Jessica Le - Stærðfræði og saga
Bjarki Freyr Sölvason - Saga og félagsfræði
Ragnheiður Dís Embludóttir - Spænska
Jóhanna Andrea Magnúsdóttir - Enska
Kristín Benigne Þorsteinsdóttir - Viðskiptagreinar
Árbjörg Sunna Markúsdóttir Félagsmál og umhverfismál
Alda Ricart Andradóttir Félagsmál og umhverfismál
Hjördís Freyja Kjartansdóttir Félagsmál; Morfís
Jóhanna Andrea Magnúsdóttir Enska og Félagsmál; Gettu betur
Þráinn Ásbjarnarson Félagsmál; Gettu betur
Arna Rut hlaut einnig raungreinaverðlaun frá Háskólanum í Reykjavík fyrir framúrskarandi námsárangur í raungreinum og menntaverðlaun Háskóla Íslands fyrir framúrskarandi árangur á stúdentsprófi og eftirtektaverða þrautseigju.