FÁ hlaut viðurkenningu Jafnvægisvogarinnar 2023, við hátíðlega athöfn sem haldin var í gær 12. október. Jafnvægisvogin, hreyfiaflsverkefni Félags kvenna í atvinnulífinu (FKA), hélt ráðstefnuna “Við töpum öll á einsleitninni - Jafnrétti er ákvörðun” og þar kynnti Eliza Reid viðurkenningarhafa Jafnvægisvogarinnar.

Jafnvægisvogina fá þau fyrirtæki, sveitarfélög og stofnanir sem hafa náð að jafna kynjahlutfall í framkvæmdastjórnum. Þátttakendur í Jafnvægisvoginni eru 239 talsins og fengu 89 þátttakendur viðurkenningu, 56 fyrirtæki, 11 sveitarfélög og 22 opinberir aðilar. FÁ er þar á meðal.

Jafnvægisvogin heldur úti mælaborði með tölfræðilegum upplýsingum um jafnrétti. Þar koma fram helstu upplýsingar um stöðu kynjanna í íslensku atvinnulífi, m.a. kynjahlutföll stofnenda fyrirtækja, framkvæmdastjóra og stjórna.

Við í FÁ erum afar ánægð og stolt með að vera í hópi þeirra flottu fyrirtækja sem hlutu Jafnvægisvogina í ár og það skiptir okkur máli.

Nemendur í viðskiptalögfræði skólans fóru í heimsókn í Fangelsismálastofnun sem sér um fullnustu refsinga og önnur verkefni í samræmi við ákvæði laga um fullnustu refsingar. Erla Kristín Ásgeirsdóttir lögfræðingur og staðgengill forstjóra tók á móti hópnum og hélt fyrirlestur um hlutverk, starfsemi og málefnalega hugmyndafræði stofnunarinnar.

Áherslur Fangelsismálastofnunar snúast umfram allt um betrun sem skilar brotamönnum í ríkari mæli aftur út í samfélagið sem friðsömum og gagnlegum borgurum.

Aðspurðir um ferðina nefndu nemendur að vettvangsferðin hefði opnað augu þeirra gagnvart mikilvægi betrunar og samkenndar í málaflokki brotamanna og töldu mikilvægt að falla ekki í gryfju múgæsings og refsigirni.

Í gær, fimmtudaginn 5. október var haldinn skólafundur í FÁ. En hér í FÁ er haldinn skólafundur einu sinni á ári. Þá er kennsla felld niður og nemendur og starfsfólk skólans ræða um mikilvæg mál er varða skólann. Þetta er mikilvægur lýðræðislegur vettvangur fyrir nemendur skólans til að koma sínum málefnum á framfæri.Í þetta skiptið settu nemendur sig í hlutverk skólameistara FÁ í einn dag og fengu þá tækifæri til að breyta og bæta skólann eins og þau vildu m.a. varðandi kennslu, námsmat, aðstöðu, félagslíf og fleira. Niðurstöðum var síðan skilað til stjórnenda og verður unnið úr þeim á næstu dögum. Það verður spennandi að sjá hvað nemendur vilja leggja áherslu á í skólastarfinu.
Að loknum skólafundi fóru nemendur í matsalinn þar sem Pálmar Ragnarsson fyrirlestari og körfuboltaþjálfari var með áhugavert erindi um jákvæð samskipti. Vel var mætt og var virkilega gaman að hlusta á hann Pálmar.

Nemendur í umhverfisfræði fóru í heimsókn í þjóðgarðinn á Þingvöllum en þau eru um þessar mundir að læra um náttúruverndarlög og friðlýst svæði. Þar tók Torfi Stefán Jónsson, fyrrum sögukennari í FÁ og núverandi fræðslufulltrúi á Þingvöllum, á móti nemendum og fengu þau fræðandi og skemmtilega leiðsögn um svæðið.

Um 100 nemendur Fjölbrautaskólans við Ármúla skelltu sér til Forn-Egyptalands á dögunum og skoðuðu meðal annars Pýramídann mikla, Vitann í Faros og borgina Alexandríu á leið sinni um landið. Ferðalagið átti sér stað í nýju tölvustofu skólans þar sem tölvuleikurinn Assassin's Creed var spilaður í sögutíma. Í Assassin’s Creed tölvuleikjaseríunni ferðast söguhetja leiksins aftur í tímann og heimsækir sögufræga staði í Egyptalandi, Grikklandi, Bretlandi og víðar.

Ferð nemenda hófst í Alexandríu þar sem hópurinn fékk einkaleiðsögn um borgina og síðar um pýramídana. Að því loknu fengu nemendur frjálsan tíma til að skoða sig um svæðið og taka myndir af því sem fangaði augu þeirra. Eins og sjá má á myndunum var margt á sjá og ferðin svo sannarlega eftirminnileg.

Verkefnið er samstarfsverkefni sögukennara og tölvuleikjakennara skólans.

Myndir: Skjáskot úr tölvuleiknum Discovery Tour by Assassin's Creed: Ancient Egypt (2018)

Fleiri myndir má sjá á Facebook síðu skólans .

Kosning í Hverfið mitt er hafin á Hverfidmitt.is en lóð skólans er ein af þeim hugmyndum sem settar eru þar fram undir heitinu: Styrkja græna svæðið við FÁ.

Hönnun svæðisins hefur ekki átt sér stað sem felur í sér ótal tækifæri fyrir þetta áhugaverða svæði sem er að hluta til lóð FÁ en jafnframt að stórum hluta borgarland Reykjavíkur. Þetta svæði gæti orðið lyftistöng fyrir skólana á svæðinu og allt nærumhverfið. Sleðabrekka yrði sterkt aðdráttarafl á veturna en hægt væri að auki að gera svæðið aðlaðandi fyrir gesti og gangandi með t.d. bekkjum og útigrilli.

Kosningin er rafræn og stendur yfir í tvær vikur, til miðnættis 28. september. Það er einfalt að kjósa og tekur ekki nema örfáar mínútur. Við hvetjum alla til að kjósa:

https://kosning2023.reykjavik.is/area-ballot/5

Nýnemaferð Fjölbrautaskólans við Ármúla var farin í gær, miðvikudaginn 31. ágúst. Frábær ferð í alla staði sem Nemendafélag skólans og félagsmálafulltrúi skipulögðu. Farið var með rúmlega 200 nýnema upp á Akranes þar sem við áttum góða stund í Garðalundi, skógræktarsvæði Akraness, en þar er frábær aðstaða til útiveru og leikja. Þar tóku á móti okkur vanir menn sem sáu um leiki og hópefli fyrir þennan stóra og flotta hóp. Síðan voru grillaðar pylsur, nemendur fengu gos og Prins póló og léku sér svo í allskyns leikjum og spjölluðu saman. Dagskráin endaði síðan á skemmtilegum hópdansi.

Frábær hópur nýnema þetta árið sem voru til fyrirmyndar í ferðinni og hlökkum við til að kynnast þeim betur í vetur.

Á Facebook síðu skólans má svo sjá fullt af myndum úr ferðinni.

Kynningarfundur fyrir foreldra/forráðamenn nýnema í Fjölbrautaskólanum við Ármúla verður haldinn þriðjudaginn 29.ágúst kl. 17.00. Á fundinum verður farið yfir starfsemi skólans, þeirri þjónustu sem er í boði, námsvefjunum Innu og Moodle, félagslífi og fleiru. Fundurinn verður haldinn í fyrirlestrarsal skólans, en þeir sem kjósa að fá kynningu á ensku mæta í stofu A-101. Áætlað er að fundurinn taki u.þ.b. 80 mínútur.

Hlökkum til að sjá ykkur sem flest!

English below.

Read more:

Innritun í fjarnám við FÁ er í fullum gangi og stendur til 3. september. Önnin hefst síðan 6.september og þann sama dag verða aðgangsorð send út.

Lokaprófin eru 27. nóvember – 11.desember og próftaflan verður birt 11. október.

Nánari upplýsingar um fjarnámið má sjá hér .

Fjölbreytt úrval kjarna- og valáfanga er í boði á haustönninni og hvetjum við alla til að kynna sér námsframboðið hér.

Skráning hér.

Nú í skólabyrjun gefst nemendum skólans kostur á að taka stöðupróf í eftirtöldum tungumálum: dönsku, ensku, spænsku og þýsku.

Prófin verða haldin fimmtudaginn 24. ágúst kl. 16:00 í stofu M201. Skráning á skrifstofunni. Verð 13.500 kr.

Menntaskólinn við Hamrahlíð býður upp á stöðupróf í norsku og sænsku mánudaginn 28. ágúst kl. 16.30.
Stöðuprófin eru fyrir einstaklinga sem hafa lokið yfirferð á námsefni á framhaldsskólastigi í norsku í Noregi eða sænsku í Svíþjóð.

Nánari upplýsingar eru á heimasíðu MH þar sem skráning fer fram.

 Nú er starfið að komast í fullan gang í skólanum eftir sumarleyfi og er skrifstofa skólans nú opin.

Hér eru helstu dagsetningar framundan sem gott er að hafa í huga fyrir nemendur og forráðamenn:

16. ágúst - stundatöflur verða aðgengilegar í INNU.

17. ágúst kl. 13.00 - kynningarfundur fyrir nýnema (2007) í fyrirlestrarsal skólans.

18. ágúst - kennsla hefst samkvæmt stundarskrá.

Lesa meira.

Skrifstofa skólans er lokuð frá og með fimmtudeginum 29. júní og opnar aftur miðvikudaginn 9. ágúst. Fyrsti kennsludagur haustannar er föstudagurinn 18. ágúst.

Þeir sem eru í sumarfjarnámi geta haft samband í fjarnam@fa.is.

Freyr Thors, nemandi í FÁ vann í vikunni verðlaun fyrir ljósmyndina sína “We don´t care, do you? “ í alþjóðlegri ljósmyndakeppni á vegum Umhverfisstofnunar Evrópu.

Freyr tók þátt í samkeppni í vor á vegum Landverndar sem ber heitið Umhverfisfréttafólk og snýst um að koma umhverfismáli að eigin vali á framfæri við almenning með fjölbreyttum leiðum. Þar varð mynd Freys í öðru sæti í flokki framhaldsskólanema. Var myndin síðan send út í alþjóðlegu keppnina fyrir Íslands hönd.

Um 495 þúsund nem­end­ur frá 43 lönd­um taka þátt í keppn­inni ár­lega og er hægt að vinna til verðlauna í nokkr­um flokk­um. Myndin hans Freys vann í flokknum Young European Reporters (YER) í flokki ljósmynda: Single photo campaign 11 - 25 years.

Ljós­mynd­in sem Freyr tók er ætlað að tákna tor­tím­andi neyslu mann­kyns. „Karakt­er­inn á að tákna græðgi mann­kyns og viðhorf til plán­et­unn­ar, samþjappað í einn karakt­er, eða ein­hvers­kon­ar veru“.

Verðlaun­in eru mik­ill heiður fyr­ir Frey, ljós­mynda­kenn­ar­ann Je­ann­ette Casti­o­ne og fyr­ir Land­vernd/​Græn­fán­ann sem stend­ur fyr­ir keppn­inni hér­lend­is með verk­efn­inu Um­hverf­is­frétta­fólk.

Við óskum Frey hjartanlega til hamingju með sigurinn!

Í vetur höfum við verið svo heppin hér í FÁ að hafa hjá okkur frábæran skiptinema frá Ítalíu, hana Francescu. Hún hefur verið ótrúlega dugleg og virk, bæði í náminu og félagslífinu og tók hún meðal annars þátt í söngkeppni FÁ. Við vildum því heyra aðeins í henni og fá að vita hvernig árið hafi verið hér á Íslandi og í FÁ.

Francesca er 17 ára gömul og kemur frá Mílanó á Ítalíu. Við vorum forvitin að vita af hverju hún hafi viljað gerast skiptinemi og af hverju hún valdi Ísland. Hana langaði til að vera skiptinemi til að upplifa nýja hluti og læra á nýja menningu og nýtt tungumál. Hún vildi fara til lands sem var kalt og væri með tungumál sem hún þekkti ekki. Svo vildi hún fara til lands sem hún þekkti ekki vel, með menningu sem er allt öðruvísi en hún er vön. Ísland varð fyrir valinu og sér hún ekki eftir því.

Lesa meira.

Skráning á sumarönn í fjarnámi við FÁ er hafin og varir til 7. júní. 

Önnin hefst 9. júní og lokapróf eru frá 9. – 15. ágúst

Fjölmargir áfangar eru í boði sem má sjá hér .

Nánari upplýsingar um fjarnámið má sjá hér.

Skráning fer fram hér .

FÁ tók þátt í Erasmus-verkefninu GAIA með framhaldsskóla í Frakklandi en verkefnið byrjaði á vorönn 2022 og lauk nú í vor 2023. Alls tóku 15 nemendur þátt frá FÁ og 15 franskir nemendur. Það voru svo fjórir starfsmenn frá hvorum skóla sem unnu að verkefninu.

Lesa meira

Í dag var hátíðlegur dagur í FÁ þegar skólinn útskrifaði alls 109 nemendur og þar af 12 af tveimur brautum.

Stúdentar eru 66. 12 útskrifuðust af félagsfræðibraut, 4 af íþrótta- og heilbrigðisbraut, 5 af náttúrufræðibraut, 24 af opinni braut, 4 af viðskipta- og hagfræðibraut og 17 með viðbótarnám að loknu starfsnámi.

Frá nýsköpunar- og listabraut útskrifuðust 2 nemendur.

46 nemendur útskrifuðust af heilbrigðissviði sem skiptast svo eftir námsbrautum: 20 útskrifast sem sjúkraliðar, 2 af heilbrigðisritarabraut, 2 af lyfjatæknabraut, 9 af tanntæknabraut og loks 13 af heilsunuddbraut.

Einnig útskrifuðust í dag 7 frábærir nemendur af sérnámsbraut.

Dúx skólans er Óli Þorbjörn Guðbjartsson, stúdent af viðskipta og hagfræðibraut með meðaleinkunn 9,2.

Viðurkenningu fyrir frábæran árangur í sérgreinum tanntækna fá tveir nemendur að þessu sinni, þær Eva María Káradóttir og Kamilla Björg Kjartansdóttir. Viðurkenning fyrir framúrskarandi árangur í sérgreinum sjúkraliðabrautar fá þrír nemendur, þær Guðrún Guðmundsdóttir, Hildur Karen Benediktsdóttir og Pandora Riveros.

Magnús Ingvason skólameistari og Kristrún Birgisdóttir aðstoðarskólameistari fluttu ávörp og fóru yfir liðna önn.

Krista Karólína Stefánsdóttir flutti kveðjuávarp fyrir hönd útskriftanema og Logey Rós Waagfjörð flutti kveðjuávarp fyrir hönd útskriftarnema Heilbrigðisskólans.

Tveir farsælir starfsmenn skólans til margra ára voru kvaddir, þeir Halldór Gísli Bjarnason sérkennari og Þorsteinn Barðason jarðfræðikennari.

Tónlistarflutningur við athöfnina var í höndum nemenda í tónlistaráfanga skólans. Lauk síðan athöfninni með hátíðlegum samsöng allra viðstaddra á laginu Vikivaki eftir Jóhannes úr Kötlum við undirleik nemenda í tónlistaráfanga skólans og Þorbjörns Helgasonar.

Við óskum útskriftarnemum til hamingju með áfangann og óskum þeim bjartrar framtíðar.

Fleiri myndir má sjá hér á Facebook síðu skólans.

Myndir frá útskrift.

Myndir frá útskrift sérnámsbrautar.

Myndir frá útskrift Heilbrigðisskólans.

Útskrift Fjölbrautskólans við Ármúla á vorönn 2023 mun fara fram í hátíðarsal skólans, laugardaginn 20.maí kl. 13.00.

Æfing fyrir útskrift verður föstudaginn 19.maí kl. 16.00

Á ári hverju býðst ungu fólki í grunn- og framhaldsskólum að taka þátt í samkeppni á vegum Landverndar. Samkeppnin ber heitið Umhverfisfréttafólk og snýst um að koma umhverfismáli að eigin vali á framfæri við almenning með fjölbreyttum leiðum.

Fjölmörg verkefni bárust í keppnina, voru þau af ólíkum toga og komu frá skólum víðsvegar af landinu.

Freyr Thors nemandi í FÁ varð í öðru sæti í keppninni með ljósmyndina “We don't care, do you?“

Hér má sjá umsögn dómnefndar um verkið: Skapandi gjörningur og kraftmikil nálgun á stórt og erfitt viðfangsefni á veraldarvísu. Myndin er einföld, afhjúpandi og sterk með marglaga skilaboð um neysluhyggjuna og vanmátt manneskjunnar gagnvart eigin breyskleika. Myndin fjallar um græðgi, sóun og ábyrgð og ábyrgðarleysi. Verkið er sláandi og hugvekjandi með djúpri hugsun og beittri sýn. Sannleikurinn berskjaldaður og einlægur. Verkið er listrænt og frumlegt og listamaðurinn sýnir áræði og sjálfstæði.

Hér má sjá fleiri úrslit í keppninni

Innilegar hamingjuóskir Freyr.