Nemendur í félagsfræði og viðskiptalögfræði skólans fóru í heimsókn í Fangelsismálastofnun sem sér um fullnustu refsinga og önnur verkefni í samræmi við ákvæði laga um fullnustu refsingar. Erla Kristín Ásgeirsdóttir lögfræðingur og staðgengill forstjóra hélt fyrirlestur um hlutverk, starfsemi og málefnalega hugmyndafræði stofnunarinnar.

Áherslur Fangelsismálastofnunar snúast umfram allt um betrun eins og hjá systurstofnunum hennar á Norðurlöndum. Þessi betrun skilar brotamönnum í ríkari mæli aftur út í samfélagið sem friðsömum og gagnlegum borgurum.

Aðspurðir um ferðina nefndu nemendur að vettvangsferðin hefði opnað augu þeirra gagnvart mikilvægi betrunar og samkenndar í málaflokki brotamanna og töldu mikilvægt að falla ekki í gryfju múgæsings og refsigirni.

Við fengum góða gesti í heimsókn í skólann í síðustu viku. Konur úr Alfadeild Delta Kappa Gamma, sem er alþjóðlegt félag kvenna í fræðslustörfum, komu til að kynna sér skólastarfið og einkum og sér í lagi Heilbrigðisskólann. Skólastjórnendur, formaður skólanefndar og deildarstjórar Heilbrigðiskólans tóku vel á móti hópnum. Þær Aðalheiður D. Matthiesen og Kristrún Sigurðardóttir kennslustjórar heilbrigðisgreina kynntu það nám sem til boða stendur, hvaða réttindi það veitir nemendum og mikilvægi þess fyrir heilbrigðiskerfið.

Síðan skoðuðu gestirnir kennsluaðstöðuna í Heilbrigðisskólanum og höfðu á orði að hún væri til algjörrar fyrirmyndar og nauðsynlegt væri að hvetja fleiri til að mennta sig á þessu sviði.

Síðastliðin fimmtudag hélt FÁ sinn árlega Árdag. Árdagur er þemadagur þar sem skóladagurinn er brotinn upp og í stað hefðbundinnar kennslu skemmta nemendur og starfsfólk sér saman.

Nemendur skiptu sér í 18 lið, hvert lið merkt ákveðnum lit eða mynstri. Liðin kepptu síðan sín á milli í fjölbreyttum þrautum sem starfsfólk var búið að undirbúa. Meðal annars var keppt í karókí, boccia, golfi, spurningakeppnum, heilaleikfimi, leiklist og ýmsu öðru.

Eftir þrautirnar var nemendum boðið upp á pizzur og gos og síðan fór tónlistar- og söngkeppni FÁ fram í matsal skólans.

Það var Gula liðið sem vann keppnina eftir harða baráttu við Dökkgræna liðið. Hlutu þau farandsbikar og bíómiða í verðlaun.

Þátttaka var góð og mikil stemning myndaðist hjá nemendum sem loksins fengu að taka þátt í Árdegi eftir þriggja ára pásu.

Fleiri myndir má sjá á Facebook síðu skólans .

Á fimmtudaginn síðasta, 2. mars fór tónlistar- og söngkeppni FÁ fram, á Árdegi skólans. Jón Jónsson var kynnir í keppninni og tók nokkur lög. Níu stórkostleg atriði tóku þátt og það má sanni segja að það sé mikið af hæfileikaríku tónlistarfólki í skólanum okkar. Í sex atriðum af níu þá sungu og spiluðu undir nemendur úr tónlistaráfanga skólans. Öll atriðin voru frábær en úrslitin urðu þau að Askur Ari Davíðsson lenti í þriðja sæti með lagið No surprises með Radiohead. Sigrún Ásta Gunnarsdóttir var í öðru sæti með lagið The Climb með Miley Cyrus. Í fyrsta sæti varð svo hann Þorbjörn Helgason með lagið Touch me með The Doors, en Þorbjörn var einmitt í öðru sæti í keppninni í fyrra. Þorbjörn mun því taka þátt í Söngkeppni framhaldsskólanna sem fer fram 1. apríl í Kaplakrika.

Nemendur í kvikmyndaáfanga skólans tóku upp keppnina og tóku viðtöl við keppendur. Keppnina má sjá hér .

Einstök atriði má svo sjá hér.

Fleiri myndir frá keppninni má sjá á Facebook síðu skólans.

Nemendur á viðskipta-og hagfræðibraut í bókfærslu fóru í vettvangsheimsókn til Ríkisskattsjóra og fengu fyrirlestur í tengslum við það sem þau eru að læra í áfanganum. Farið var yfir meðal annars það helsta varðandi virðisaukaskatt og skil á virðisaukaskattskýrslu.

Þar sem komið er að skattauppgjöri einstaklinga sem skila á inn frá 1.til 14. mars næstkomandi fengu nemendur kynningu á því helsta varðandi skil á skattskýrslum. Nemendum þótti heimsóknin fróðleg og áhugaverð og höfðu á orði að margt hefði komið fram sem ætti án efa eftir að gagnast þeim í náminu.

Föstudaginn 3.mars er starfsþróunardagur kennara í Fjölbrautaskólanum við Ármúla. Öll kennsla fellur niður þennan dag og skrifstofa skólans verður jafnframt lokuð.

Á fimmtudaginn, 2.mars verður Árdagur haldinn í FÁ. Árdagur er árlegur þemadagur þar sem skóladagurinn er brotinn upp og í stað hefðbundinnar kennslu skemmta nemendur og starfsfólk sér saman.

Nemendur skrá sig í hópa og leysa þrautir sem starfsfólk eru búið að undirbúa. Í hádeginu er svo tónlistar- og söngkeppni FÁ og síðan verður pizzuveisla í boði fyrir nemendur.

Lesa meira.

Föstudaginn 24.febrúar er námsmatsdagur í Fjölbrautaskólanum við Ármúla. Engin formleg starfsemi verður í skólanum þennan dag og verður skrifstofa skólans jafnframt lokuð.

Fjölbrautaskólinn við Ármúla hlaut nú á dögunum viðurkenningu í könnun Sameykis um stofnun ársins 2022. FÁ er fyrirmyndarstofnun og var í þriðja sæti í flokka stórra stofnana með 90 starfsmenn eða fleiri.

Magnús Ingvason skólameistari veitti viðurkenningunni viðtöku við hátíðlega athöfn hjá Sameyki þann 16.febrúar.  

Lesa meira

Nemendur í viðskiptalögfræði í FÁ fóru í heimsókn í Hæstarétt Íslands og kynntu sér sögu og starfsemi réttarins. Benedikt Bogason, forseti hæstaréttar, tók á móti hópnum og fór yfir dómskerfið og meðferð dómsmála með nemendum. Hann útskýrði vel fyrir nemendum þær breytingar sem urðu á starfsemi hæstaréttar þegar Landsdómur tók til starfa árið 2018. 

Lesa meira

Í gær tók Fjölbrautaskólinn við Ármúla við Grænfánanum í níunda skiptið. Erum við mjög stolt hér í skólanum en FÁ er sá framhaldsskóli sem hefur oftast fengið Grænfánann.

Grænfáninn er alþjóðlegt umhverfismenntarverkefni sem rekið er af Landvernd á Íslandi. Grænfáninn sjálfur er viðurkenning eða verðlaun til skóla sem vinna að sjálfbærnimenntun á einhvern hátt. Hver skóli vinnur eftir skrefunum sjö, setur sér markmið og virkir nemendur.

Sigurlaug Arnardóttir frá Landvernd mætti í skólann og afhenti Magnúsi skólameistara og Öldu Ricart formanni umhverfisnefndar fánann úti í fallegu vetrarveðri. Eftir að fáninn var dreginn að húni bauð nemendafélag skólans öllum upp á ís frá Skúbb.

Það var líf og fjör í Skautahöllinni í dag þegar nemendur FÁ skelltu sér á skauta en sú góða hefð hefur skapast í skólanum að fara á skauta einu sinni á skólaári við góðar undirtektir nemenda.

Um 160  nemendur mættu á skauta í dag og er það metþátttaka. Allir skemmtu sér vel, enginn slasaðist og fengu nemendur svo samloku frá Lemon og Svala í boði Nemó.

Hér má sjá fleiri myndir frá skautaferðinni.

Mánudaginn 6.febrúar hefjum við Heilsudaga í FÁ sem eru haldnir samhliða Lífshlaupinu; landskeppni í hreyfingu. Heilsudagarnir standa yfir í 5 daga en Lífshlaupið er frá 1.febrúar til 14.febrúar.

Ýmislegt skemmtilegt er í boði þessa viku og hér má sjá dagskrána:

Lesa meira:

Kæru nemendurÞað er appelsínugul veðurviðvörun í fyrramálið, 7. febrúar. Við höfum því ákveðið að fella niður kennslu fyrstu tvo tímana og hefst því kennsla kl. 10:40. 

Dear studentsDue to bad weather forecast for tomorrow morning, Tuesday we have decided that school doesn´t start until 10:40. 

Lið FÁ í Gettu betur er því miður úr leik í Gettu betur keppninni í ár er það hlaut í lægra haldi gegn liði Verkmenntaskóla Austurlands í beinni útsendingu í sjónvarpssal RÚV í gærkvöldi.

Eftir æsispennandi hraðaspurningar var staðan jöfn 11-11 og þá tóku við staðreyndavilluspurning og tólf bjölluspurningar. VA komst á gott ról í bjölluspurningunum og náði ágætis forystu. Lið FÁ var hins vegar ekki tilbúið að láta deigan síga. Eftir seinni vísbendingaspurninguna munaði því aðeins þremur stigum, staðan var 26-23 VA í vil, og þrjú stig eftir í pottinum í þríþrautinni. Þar náði FÁ ekki að svara rétt en VA gerði það hins vegar, fékk þrjú stig, og tryggði sér sigur 29-23.

Svo skemmtilega vill til að liðin tvö, VA og FÁ, mættust einnig í fyrstu umferð keppninnar. Sú viðureign var einnig æsispennandi en þar hafði FÁ betur, 25-21. VA fór hins vegar áfram í aðra umferð sem stigahæsta tapliðið og tryggði sig svo í 8-liða úrslit þar sem liðið dróst aftur gegn FÁ.

Lið FÁ skipuðu þau Iðunn Úlfsdóttir, Jóhanna Andrea Magnúsdóttir og Þráinn Ásbjarnarson. Varamaður var Ívar Darri Jóhannsson.

Þjálfarar liðsins í ár voru þeir Eiríkur Kúld Viktorsson og Guðmundur Kristinn Þorsteinsson, báðir reynsluboltar úr Gettu betur.

Skólarnir mættu með skemmtiatriði sem voru sýnd í útsendingunni. FÁ kom með hljómsveit skipaða nemendum sem sitja í tónlistaráfanga skólans. Þau fluttu lag David Bowie, Man Who Sold the World og gerðu það snilldar vel. Þorbjörn Helgason söng, Askur Ari Davíðsson spilaði á hljómborð, Brynjar Karl Birgisson spilaði á Bassa, Darri Ibsen á guiro, Ísak Harry Hólm og Rafael Róbert Ásgeirsson á kassagítar. Vael Abou Ebid spilaði svo á slagverk.

Hér má sjá upptöku af atriðinu.

RÚV gerði kynningarmyndband um keppendur sem má sjá hér.

Við hér í FÁ erum ákaflega stolt af liðinu okkar í ár, frábær liðsheild og flottur árangur.

Stór dagur í dag !! 

 Allir að stilla á RÚV kl. 20:00 í kvöld en þá keppir FÁ í 8 liða úrslitum í Gettu betur við Verkmenntaskóla Austurlands í beinni útsendingu. Við sendum baráttukveðju til Iðunnar, Jóhönnu Andreu og Þráins og segum: Áfram FÁ!!

FÁ tryggði sér í gær sæti í 8 liða úrslitum í Gettu betur þegar það vann Kvennó í hörkuspennandi keppni, 22-21. Kvennó leiddi keppnina eftir hraðaspurningar 15 - 10 og fyrir lokaspurninguna var staðan 21-20 fyrir Kvennó. FÁ náði svo sigrinum með því að svara lokaspurningunni rétt og hlaut tvö stig fyrir það.

FÁ mætir því Verkmenntaskóla Austurlands í 8 liða úrslitum sem fara fram í sjónvarpssal þann 3.febrúar.

Til hamingju Iðunn, Jóhanna og Þráinn.

Gettu betur lið FÁ lagði lið Verkemenntaskóla Austurlands í síðustu viku, 25-21. Önnur umferð fer fram í þessari viku og mætir lið FÁ liði Kvennaskólans á morgun, miðvikudaginn 18.janúar kl. 21.10.

Við sendum baráttukveðju til Iðunnar, Jóhönnu og Þráins.

Hægt er að hlusta á keppnina í beinni á Rás tvö.

Í kvöld, mánudaginn 9.janúar, fer fram fyrsta umferð spurningakeppninnar Gettu betur. FÁ mætir liði Verkmenntaskóla Austurlands kl 19.40. Í liði FÁ eru þau Iðunn Úlfsdóttir, Jóhanna Andrea Magnúsdóttir og Þráinn Ásbjarnarson.

Hlusta má á útsendinguna í beinu streymi á www.ruv.is.

Við óskum þeim góðs gengis.

Áfram FÁ.

Gettu betur lið Fjölbrautaskólans við Ármúla er á fullu að æfa fyrir komandi keppni sem hefst í næstu viku. Í Gettu betur liði FÁ þetta árið eru þau Iðunn Úlfsdóttir, Jóhanna Andrea Magnúsdóttir og Þráinn Ásbjarnarson sem hefur verið í liðinu undanfarin þrjú ár. Varamaður er Ívar Darri Jóhannsson. Þjálfarar liðsins þetta árið eru reynsluboltarnir þeir Eiríkur Kúld Viktorsson og Guðmundur Kristinn Þorsteinsson.

Undanfarin ár hefur FÁ verið í mikilli sókn í Gettu betur og náði skólinn t.d. í undanúrslit árið 2020 og í 8 liða úrslit árið 2021. FÁ mætir Verkmenntaskóla Austurlands í fyrstu umferð keppninnar sem fer fram 9.janúar.

Við óskum þeim góðs gengis í undirbúningnum og keppninni. Áfram FÁ!!